Apektado ang operasyon sang Local Economic Development and Investment Promotions Office kasunod sang pagpangbaklas sang kable sang Iloilo City Engineers Office.
Sa interview sang Bombo Radyo kay Ms. Velma Lao, head sang Local Economic Development and Investment Promotions Office, iya ginpahayag nga handa na kontani ang talatapan sa renewal sang mga business permit, apang atrasado ini halin kagapon nga adlaw bangud man sa pagbaklas sang linya sang mga telecommunications company.
Suno kay Lao, naka-eksperyensya sila sang ‘downtime’ bangud sa nasambit nga tikang.
Gin-athag man sini nga bangud nag-offline ang operasyon sa city hall, down man ang sistema sa offsites, rason nga indi sila maka-communicate sa city hall nga amo ang server.
Ginpahayag man sang natungdan nga mahimo naman nga makabayad kag renew sang permit sa city hall apang, lauman lang mas madamo nga tawo.
