Ginaplano sang Committee on Public Safety sang syudad sang Iloilo nga ipatawag ang mga naga-operate sang mga Facebook pages or groups sang mga angkas rider, kasunod sang nagadamo nga reklamo kag kabalaka sa seguridad sang publiko.
Ginpahayag nga importante gid nga ma-regulate ang ila operasyon agud indi masakripisyo ang ‘safety’ sang mga pasahero.
Sa interview sang Bombo Radyo kay Iloilo City Councilor, Atty. Sedfrey Cabaluna, iya ginpabutyag nga dapat ipatawag ang mga ini, labi na kun magapadayon pa ang ila serbisyo.
Suno sa iya, may entrapment operation na nga ginahimo sang Iloilo City Traffic and Transportation Management Office, pero ang Land Transportation Office ang dapat mag-intra sa pagmonitor sang mga Facebook pages kag groups.
Gindugang pa ni Cabaluna nga kinahanglan kuhaan sang datos kun pila ka rider ang naga-operate, paano sila nagahimo sang serbisyo, kag paano nila ginaseguro ang safety sang mga pasahero.
Ginpabutyag man niya nga may mga insidente nga ang driver dungol, grabe manukot, haras-haras mag-drive, kag may posibilidad pa nga may malain nga tinutuyo.
Gin-emphasize ni Cabaluna nga kinahanglan may insurance kag klaro nga sistema, bangud risgo ini sa mga pasahero. Dugang pa niya ang ang palangabuhian yara, pero indi dapat ikompromiso ang ‘public safety’.
