ITALY – Nagbalik na sa normal ang klase kag opisina sa Taiwan sa pihak sang padayon nga pagsaka sang kaso sang Coronavirus Disease 2019.
Sa interview sang Bombo Radyo kay Remzkie Dedal, isa ka Overseas Filipino Worker direkta sa Taiwan iya ginpahayag nga apisar nagbalik na sa normal ang klase kag opisina apektado sa gihapon ang operasyon sang pila ka mga establisyemento kaangay nalang sang mga kalan-an kag shopping mall.
Ini bangud magagmay nalang nga mga tawo ang nagalagaw bangud man sa Coronavirus scare.
Suno kay Dedal, mas madamo pa sang tawo sa ospital kun ipaanggid sa mga lugar nga masami ginakadtuan sang tawo sadto.
Dugang sang natungdan, sa pihak sang pagtaas sang kaso sang nasambit nga balatian wala sa gihapon sang panic buying sa Taiwan kag bastante ang supply sang mga balaklon bangud ginasiguro sang gobyerno nga insakto ang mga supplies.
Santo sa pahayag ni Dedal, ginpanugyanan na sila sang embahada sang Pilipinas sa Taiwan nga likawan anay ang pagkadto sa mga matawo nga lugar kag kun mahimo indi anay mag day off.
Nahibaluan nga sa subong may yara na sang 42 ka kaso sang COVID-19 sa Taiwan sa diin isa na ang napatay kag 12 na ang nag-ayo.
