OTON, ILOILO – Ipabilin nga sirado ang opisina sang Sangguniang Bayan ‘until further notice’ sa banwa sang Oton, Iloilo kasunod sang padayon nga pagdugang sang kaso sang COVID-19.
Sa interview sang Bombo Radyo kay Mr. Jafet Salinas, COVID-19 focal person sang Oton, Iloilo, iya ginpahayag nga wala pa sang desisyon kun san-o buksan ang amo nga talatapan bangud padayon pa ang contact tracing.
Suno kay Salinas, duha ka personnel sang nasambit nga opisina ang nagpositibo sa COVID-19 sa diin ang isa diri ang symptomatic.
Pahayag sang natungdan, ang Municipal Trial Court naman ang magabukas sa Abril 20 matapos man ini ginsirado.
Sa subong, ang tanan nga session sang nasambit nga mga opisina ang patigayunon online ukon virtual.
Panugyan ni Salinas sa publiko, maghalong kag padayon nga magsunod sa tanan nga healh protocol agud malikawan ang pag-angkon sang COVID-19.
