Nagasinggitan ang barangay kagawad kag pila ka mga pumuluyo sang Barangay Cubay, Jaro, Iloilo City sa Samaritan Bayanihan Inc. nga ibalik ang ila gin-invest nga kwarta.
Sa interview sang Bombo Radyo kay Kagawad Juan Grande, iya ginpahayag nga nagpangako sa ila ang Samaritan Bayanihan Inc. nga maghatag ukon mag-invest sang savings kag bisan ano nga oras, pwede ini makuha sa ila kon kinahanglanon.
Apang, suno kay Grande, nagbaliskad ang paya bangud sang kuhaon na nila ang ila kwarta, nagpamalibad ang Samaritan Bayanihan Inc. nga ihatag ini sa ila bangud may nakatalana nga oras kag adlaw para sa releasing.
Ginkadismaya man ini ni Grande kag sang mga pumuluyo bangud kinahanglan man nila ang ila nga kwarta.
Nagpanawagan man ang natungdan sa Samaritan Bayanihan Inc. nga atubangon sila kag ang pumuluyo agud mabalik ang ila kwarta.
Nahibaluan masobra 40 ka indibidwal ang naghalin sa amo nga barangay ang nag-intra sa amo nga investment.
