Ginalauman sang mga opisyal sa Vatican nga pagatambongan sang kapin 200 ka foreign delegations sa palaabuton nga inagurasyon ni Pope Leo XIV.
Ini ang ginpahayag matapos ang ginpatigayon nga meeting sang Provincial Committee for Order and Security sa Rome Prefecture sang Martes.
Pila sa mga dignitaries nga ginapaabot nga magatambong amo sanday US Vice President JD Vance, ang Royal family sang Spain, Israeli President Isaac Herzog, kag mga lider halin sa European Union.
Bilang kabahin sang tradisyon sang Simbahang Katolika, pagahiwaton ang misa sang inagurasyon sa Domingo, Mayo 18, sa St. Peter’s Square sa Vatican City.
Ang nasambit nga seremonya isa ka importante nga panublion sang simbahan nga nagapanginbulahan sa opisyal nga pagsugod sang bag-o nga lider sang Katolikong simbahan.
