Nagpaathag ang Punong Barangay sang Nabitasan, La Paz, Iloilo City kaangot sa naapektohan nga mga mangroves sa pagpatukod sang Slope Protection Project sa amo nga lugar.
Sa interview sang Bombo Radyo kay Punong Barangay Barbie Arroza, sang Nabitasan, La Paz, iya ginpahayag nga sang naglinigad nga mag binulan, may ginpatigayon ang barangay sang committee hearing kaangot sa amo nga proyekto.
Suno kay Arroza, nagpakig-angot sa ila ang Iloilo City Engineers Office, City Environment and Natural Resources Office (CENRO), Department of Environment and Natural Resources (DENR), kag pila ka mga ahensya ang nagpadulong agud bisitahon ang Slope Protection Project.
Dugang sini nga sa subong, wala sang pormal nga reklamo sila nga nabaton halin sa pila ka mga residente nga apektado sang nasambit nga proyekto.
Ginpahayag man ni Arroza nga direkta nga ginapalab-ot sa kontraktor ang problema nga mahimo magluntad sa samtang ginahuman ang project.
Nahibaluan nga ang proyekto ang yara sa idalom sang International Builders Corporation (IBC) kon sa diin, nagsugod sang February 2025 kag nakatalan nga matapos December 2025.
Ini ang nagabalor sang masobra P1 million sa idalom sang Department of Public Works and Highways Region 6 (DPWH-6).
