AREVALO, ILOILO CITY– Wala sang ihibalo ang mga opisyal sang Sto.Niño Sur, Arevalo, Iloilo City, sa pagbukas kag pag-operate sang Moonlight Lodge nga nahamtang sa ila barangay.
Sa interview sang Bombo Radyo kay kagawad Joemarie Millano, iya ginpahayag nga sang damlag lang, nakita niya nga bukas ang amo nga lodge, apang wala siya naghuna-huna nga nagapasulod ini sang mga customer.
Suno kay Millano, may posibilidad nga wala lang nila natalupangdan nga may mga nagasulod nga customers ,bangud mahimo man nga makasulod ang mga salakyan sa amo nga establisimento.
Nahibaluan nga sang damlag lang, ginpasiraduhan ni Task Force on Morals and Vaues Formation head, Nestor Canong ang amo nga lodge, bangud sa indi pagpatuman sang physical distancing.
