𝗜𝗟𝗢𝗜𝗟𝗢 𝗖𝗜𝗧𝗬 — Indi pa madeterminar sang pila ka mga opisyal sang Brgy. Sta. Filomena, Arevalo, Iloilo City kun san-o matapos ang ginapatukod nga multipurpose building.
Sa interview sang Bombo Radyo kay Punong Barangay Fredo Avanceña sang Brgy. Sta. Filomena, Arevalo, Iloilo City, iya ginpahayag nga may yara san 9 million nga budget ang first phase sang amo nga proyekto sa diin, ginabanta nga yara sa 45 tubtob 50 million ang kabug-usan nga magasto kun matigayon nga matapos ini.
Suno kay Avanceña, bangud sa wala pa matapos ang pasilidad, nabudlayan sila nga magpangita kun diin sila nga lugar magahiwat sang aktibidad ilabi na nga nagapalapit ang ila nga fiesta.
Ginpahayag man sini nga tuman na gid ka delay ang proyekto, sa diin, wala ini sang may ihabalo kun san-o nagsugod ang second phase kag natapos ang first phase.
Ginakabalak-an naman sang opisyal ang pag-inulan-ulan bangud wala pa sila sang may nakita nga pahamtangan sang ila pagahiwaton nga mga programa.
Nahibaluan nga magaserbe nga evacuation center kag gym ang amo nga pasilidad kun matigayon ini nga matapos.
