Nagpatigayon sang ‘Oplan Baklas’ ang Commision on Election (COMELEC) sa syudad sang Iloilo, subong nga adlaw, Marso 28.
Ginpangunahan mismo ni COMELEC Region 6 Director Atty. Dennis Ausan ang pagpangkakas sang mga illegal posters kadungan man sa pag-umpisa sang local campaign period para sa May 2025 National and Local Elections.
Sa interview sang Bombo Radyo Ausan, iya ginpahayag nga kinahanglan sang mga kandito nga hibaluon ang mga dapat kag indi nagakadapat himuon sa panahon sang kampanya.
Suno kay Ausan, dapat respetuhon ang mga private property nga mahimo butangan sang mga campaign materials kag nagakadapat man nga sundon ang prescribed sizes sang posters nga indi magtaas sa 2×3 feet.
Ginpahanumdom man sini nga wala ginapahangutan ang pagbutang sang mga poster sa mga pampubliko nga lugar.
Dugang pa sang natungdan, kinahanglan man nga pagabutangan kung sin-o ang nagasto sang nasambit nga campaign material sang kandidato.
