ILOILO CITY – Padayun ang pagpanguha sang obstruction sa dalan sa Brgy. Inday, Iloilo City.
Sa interview sang Bombo Radyo kay Punong Barangay Rod Sarmiento, iya ginpahayag nga padayon ang ila pagpaninlo, isa ka adlaw bag-o matapos ang deadline sa Oplan Hawan.
Suno kay Sarmiento, naka-istoryahanay sila sang pinuno sang Task Force on Anti-Squatting and Illegal Structures Unit nga si Lovejoy Hosenilla nga indi lang pagkuhaon ang barangay hall bangud wala ini nagasablag sa dalan.
Kampante ang natungdan nga 100% clear na ang ila barangay apisar wala pa ang deadline nga ginhatag.
