ILOILO CITY – 92% na ang natapos sa road clearing operations sa syudad sang Iloilo, isa ka adlaw bag-o ang deadline sa Oplan Hawan.
Sa interview sang Bombo Radyo kay Love Joy Hosenilla, pinuno sang Task Force on Anti-Squatting and Illegal Structures Unit, iya ginpahayag nga apat ka mga distrito sa syudad sang Iloilo ang ginpatigayunan sang Oplan Hawan subong nga adlaw.
Ang apat ka distrito suno kay Hosenilla ang ginalakipan sang City Proper, Mandurriao, Molo kag Jaro sa diin may yara sang madamu nga obstruction sa dalan.
Ginpahayag ni Hosenilla nga kalabanan sa mga obstruction ang una na nga nakuha sang Oplan Hawan team apang ginbalik lang sang mga dungol nga pumuluyo.
Karon sa gab-i suno sa natungdan, ginalauman nga madamu pa ang magapalab-ot sang impormayson tuhoy sa mga obstruction.
