ILOILO CITY – Ginlunsyar na sang Department of Tourism ang Oplan #LoveGuimaras Assistance Package (OLAP) sa syudad sang Iloilo.
Sa interview sang Bombo Radyo kay Department of Tourism 6 Director Atty. Helen Catalbas, iya ginpahayag nga katuyu-an sang nasambit nga aktibidad amo nga makabulig sa pagpa-uswag sang turismo sang Guimaras.
Suno kay Catalbas, wala pa nakabangon ang probinsya sang Guimaras matapos ang natabo nga Iloilo Strait tragedy sa diin 31 ang napatay.
Ginpahayag ni Catalbas nga kadungan sang paglunsyar sang Oplan #LoveGuimaras Assistance Package, gin-turn-over man sang ahensya ang mga madinu-agon nga payong sa pump boat operator.
Ang nasambit nga mga payong ang ipagamit sa mga pasahero sang pump boat kag kabahin sang #LoveGuimaras nga toruism campaign.
Lauman man suno sa natungdan ang masami nga pagpatigayon sang mga programa kag aktibidad sa nasambit nga probinsya.
