Indi sa tanan nga tion mabalanse sang isa ka pulis ang iya nga oras sa trabaho kag sa pamilya.
Sa interview sang Bombo Radyo kay Police Col. Uldarico Garbanzos, Director sang Iloilo City Police Office, iya ginpahayag nga sa masami prayoridad gid sang isa ka pulis ang ila nga trabaho apang indi man ini buot silingon nga ginapabay-an na lang ang mga pamilya.
Maswerte na kun kaisa suno sa iya nga magtu-on sa adlaw sang Domingo ang mga events kaangay sang Father’s Day.
Apang indi malikawan pahayag ni Garbanzos nga ang paminsaron sa gihapon niya ang yara sa trabaho bangud nagapadayon pa ang iya supervision, monitoring kag assessments sa mga daily operational activities sa kada istasyon.
Madamo naman nga beses suno sa iya nga nagasunggod ang iya mga kabataan bangud kun kaisa bisan manuglakat na, indi pa sila madayon bangud may yara sang tawag halin sa trabaho nga kinahanglan sini magreport.
Kun kaisa dugang pa sang ni Garbanzos, ginapa-una lang niya ang iya mga pamilya sa event kag bisan late na, ginatinguhaan gid niya nga makaapas.
Mas mabudlay pa gid pahayag ni Garbanzos kun i-destino siya sa malayo nga lugar bangud binulan na lang gid ang ila pagkitaay sang iya pamilya.
