ILOILO – Gin-athag sang isa ka Ilonggo nga babaylan ukon manugbulong nga indi pagpang-into ang iya ginahimo nga mga orasyon kag pagpaayo sa masakit sang mga tawo.
Sa interview sang Bombo Radyo kay Violeta Jardenil ukon mas kilala nga “Mommy Viol”, 81 anyos kag tumandok sang Brgy. Pagsanga-an, Pavia, Iloilo, iya ginpahayag nga may ara siya sang “tag-ubay” nga amo ang nagagiya sa iya sa sa tagsa ka trabaho bilang babaylan.
Ini ang napamatud-an paagi sa madamo nga mga sakit nga napaayo, lakip na ang isa ka tigulang sa banwa sang Leganes nga indi na makakaon kag ginasuportahan na lang sang nasogastric tube ukon NGT.
Magluwas diri, indi man malipatan ni Mommy Viol ang pag-ayo sa isa ka dalagita nga gindangup sa iya sang mga ginikanan bangud nga kritikal na.
Suno kay Mommy Viol, nagpang-alang alang siya sa pagbulong sa amo nga dalagita bangud ginpagwa na gani ini sang iya pamilya sa ospital, apang bangud sa salig nga ginhatag sa iya, natabangan pa ini kag nasalbar.
Iya ginpahayag nga madamo sang iya mga pasyente ilabi na ang nagikan sa Brgy. Pagsanggaan, Pavia ang iya napaayo paagi sa iya “tag-ubay” kag tanom nga “san francisco” nga iya pa natun-an sa iya amay nga amo ang orihinal nga manugbulong sa ila pamilya.
Ginlaragway ni Mommy Viol ang iya tag-ubay bilang mataas kag maputi nga dalaga, malaba ang buhok, kag nagasuksok sang puti nga panapton ukon trahe.
Nagapati siya nga ang iya tag-ubay amo man ang nangin tag-ubay sang iya amay sang una, kag amo ini ang nagadikta sang orasyon kag nagatudlo mangin sa iya sabat sa interview sa Bombo Radyo.
Nahibaluan nga 35 anyos siya sang nangin manunubli sang ikasangkol sang iya amay sa pagpamulong kag nagsalo sang mga responsibilidad sini.
Natalana ni Mommy Viol nga ipasubli sa iya anak nga babayi ang iya trabaho bilang babaylan bangud kasubong nga daw nangin “family tree” na nila ang nasambit nga trabaho.
ILOILO – Gin-athag sang isa ka babaylan ukon manugbulong nga indi pagpang-into ang iya ginahimo nga mga orasyon kag pagpaayo sa masakit sang mga tawo.
Sa interview sang Bombo Radyo kay Violeta Jardenil ukon mas kilala nga “Mommy Viol”, 81 anyos kag tumandok sang Brgy. Pagsanga-an, Pavia, Iloilo, iya ginpahayag nga may ara siya sang “tag-ubay” nga amo ang nagagiya sa iya sa sa tagsa ka trabaho bilang babaylan.
Ini ang napamatud-an paagi sa madamo nga mga sakit nga napaayo, lakip na ang isa ka tigulang sa banwa sang Leganes nga indi na makakaon kag ginasuportahan na lang sang nasogastric tube ukon NGT.
Magluwas diri, indi man malipatan ni Mommy Viol ang pag-ayo sa isa ka dalagita nga gindangup sa iya sang mga ginikanan bangud nga kritikal na.
Suno kay Mommy Viol, nagpang-alang alang siya sa pagbulong sa amo nga dalagita bangud ginpagwa na gani ini sang iya pamilya sa ospital, apang bangud sa salig nga ginhatag sa iya, natabangan pa ini kag nasalbar.
Iya ginpahayag nga madamo sang iya mga pasyente ilabi na ang nagikan sa Brgy. Pagsanggaan, Pavia ang iya napaayo paagi sa iya “tag-ubay” kag tanom nga “san francisco” nga iya pa natun-an sa iya amay nga amo ang orihinal nga manugbulong sa ila pamilya.
Ginlaragway ni Mommy Viol ang iya tag-ubay bilang mataas kag maputi nga dalaga, malaba ang buhok, kag nagasuksok sang puti nga panapton ukon trahe.
Nagapati siya nga ang iya tag-ubay amo man ang nangin tag-ubay sang iya amay sang una, kag amo ini ang nagadikta sang orasyon kag nagatudlo mangin sa iya sabat sa interview sa Bombo Radyo.
Nahibaluan nga 35 anyos siya sang nangin manunubli sang ikasangkol sang iya amay sa pagpamulong kag nagsalo sang mga responsibilidad sini.
Natalana ni Mommy Viol nga ipasubli sa iya anak nga babayi ang iya trabaho bilang babaylan bangud kasubong nga daw nangin “family tree” na nila ang nasambit nga trabaho.
