Ordinansa nga naga-regulate sa pagbaligya sang mga ambulant vendors sa Iloilo City, ginbasura sang konseho

ILOILO CITY – Ginbasura na sang Iloilo City Council ang proposed ordinance ni Councilor Johnny Young nga naga-regulate sang oras sang mga ambulant vendors nga magbaligya humalin ‘las 5:00 sang hapon tubtob ‘las 5:00 sang kaagahon.

Nahibaluan nga ginduso sang konsehal ang ordinansa bangud sa mga nagalapta nga basura kag mga food carts nga indi manami sa panulukan sang mga turista.

Suno kay Councilor Rudolph Jeffrey Ganzon, Chairman sang Committee on Trade, Commerce and Industry, ginakabig ang ordinansa bilang anti-poor.

Ginpahayag dugang sang natungdan nga ginrekomendar sang komitiba kay Young nga nagakadapat nga hatagan sang konsiderasyon ang mga vendors bangud ini ang ila palangabuhian.