ILOILO CITY – Aprubado na sa Iloilo City Council ang ordinansa nga naga-require sa mga bouncers nga magpaidalom sa training sa Supervisory Office for Security and Investigation Agencies.
Sa interview sang Bombo Radyo kay Iloilo City Councilor Plaridel Nava, proponent sang ordinansa, iya ginpahayag nga mabalik sa umpisa ang mga establishments nga may yara sang bouncers bangud nga kinahanglan gid nga mag-agi sa accredited nga training center.
Suno kay Nava, indi pagbatunon ang mga bouncers nga wala sang may ipakita nga certificate nagikan sa Supervisory Office for Security and Investigation Agencies sa idalom sang Philippine National Police.
Magluwas sa nasambit nga training, dapat man nga magpaidalom ang bouncers sa training sang Iloilo City Police Office.
Pahayag sang konsehal, hugot nga ipatuman ang pa
Ginklaro sang konsehal nga mahimo sa gihapon nga mag-operate ang mga establishments apisar nga wala sang bouncers.
Sa subong, ginahulat nalang ang approval ni Iloilo City Mayor Jerry Treñas agud nga mapatuman na ang ordinansa.
