ILOILO CITY– Ginpasar na sang Iloilo City Council ang ordinansa nga magahatag ligwa sa Tax Amnesty para sa real property taxes sa syudad sang Iloilo, sa diin igadeklarar nga delinquent ukon wala nabayaran ang mga buwis humalin Disyembre 31, 2019.
Ini matapos ginatos ka milyon ka pesos ang nadula sa syudad bangud sa Coronavirus Disease 2019 Pandemic.
Sa interview sang Bombo Radyo kay Iloilo City Mayor Jerry Treñas, iya ginpahayag nga pinaagi sa tax amnesty makabawi ang syudad sa kapyerdihan.
Pahayag pa ni Treñas, isa ini sa ginapangayo sang City Treasurers Offices sa pagpamuno ni Jinny Hermano, agud mabuligan nga mabatak ang koleksyon sang syudad, kag malagas ang balor sang kapyerdihan sa una nga quarter sang tuig.
Dugang pa sang natungdan, sa siyam niya katuig nga nagserbe sadto bilang alkalde sang syudad, kag siyam man ka tuig nga nangin Congressman, tubtob subong nga siya liwat ang nangin alkalde, ini ang pinaka-una nga beses nga may tax amnesty nga ginpasar para sa syudad sang Iloilo.
Nahibaluan nga kulang sang halos P300 million ang koleksyon sang syudad bangud sa pandemya.
