ILOILO CITY – Gin-ako sang mga organizers sang World Cup nga may natabo nga exploitation sa mga trabahante kadungan sang pagpanghanda para sa World Cup 2022 sa Gulf State.
Ang pag-ako sang organizers ang naggwa kasunod sang imbestigasyon sang Amnesty International.
Suno sa organizers, ang mga security guards ang ginpilit nga magtrabaho sa sang maximum nga 60-oras sa sulod sang isa ka semana kag wala nahatagan sang day off sa sulod sang pila ka bulan kag nagalab-ot sa tinuig.
Ang Qatar ang wala pa nakahatag sang dugang nga detalye angut sa mga pang-abuso sa mga subcontractors nga nagtrabaho sa Club World Cup kag Arab Cup sang 2021.
Suno sa organizers, tatlo ka mga kompaniya ang natukiban nga “non-compliant” sa nagkalain-lain nga areas.
Ang ini nga mga violations ang indi mabaton kag maga-impose na sang sanctions kaangay sang pagbutang sa contractors sa watch-list ukon sa black-list agud nga indi na sila makatrabaho sa mga masunod nga mga proyekto lakip na sa FIFA World Cup kag i-report man sa Ministry of Labor para sa dugang nga imbestigasyon kag sanction.
Ang pangpang-abuso sa mga trabahante ang nagpadayon sa Qatar apisar nga gin-introduce na sang World Cup organizers ang mga pagsulundan sang 2014, apat ka tuig pagkatapos nga gin-award sang FIFA ang hosting rights sa amo nga pungsod.
