ILOILO CITY- Nagtaliwan na sa edad nga 74- anyos ang singer nga si Eric Carmen, nga nakilala sa iya hit song nga “All By Myself.”
Ini ang gin-anunsyo mismo sang iya asawa nga si Amy Carmen kag ginpost man sa website sang napatay nga singer.
Nagsugod ang popularidad ni Eric sang 1970s bilang frontman sang American pop band nga Raspberries nga natukod sa iya hometown sa Cleveland, Ohio.
Apisar nga nabungkag ang ila banda sang 1975, nagpadayon ini sa iya career kag sang amo nga tuig, gin- record niya ang iya first solo album nga nagalakip sang track nga “All By Myself,” nga amo man ang gin-remake ni Celine Dion kag sang producer nga si David Foster.
Isa man sa mga popular nga kanta ni Eric amo ang Love Is All That Matters.
