BANGKOK, THAILAND – Atensyon sa mga tawo nga luyag mag-angkon sang instant abs.
Sa Bangkok, Thailand, nag viral ang isa ka ospital nga naga tanyag sang instant six-packs abs sa mga pasyente.
Ang abs ang indi mahapos nga maangkon apisar nga mag gym pa ang isa ka tawo.
Apang tungod sa mga plastic surgeons sa Masterpiece Hospital, nangin posible na ang pag-angkon sang abs sa pinakamadasig nga tion.
Pinaagi sa abdominal etching, ginakuha sang surgeon ang fat nga yara sa tyan agud nga makit-an ang six-packs abs.
Suno kay Raweewat “Sae” Maschamadol, Chief Executive Officer sang ospital, wala sila nagahimo sang plastic ukon silicone implants sa baylo abs-focused liposuction gid lamang.
Madamo naman ang nagahingyo sang six packs abs kada bulan sa diin ginabanta 20 tubtob 30 ka mga pasyente ang nagapadulong sa ospital.
Bangud sa ginatanyag sang ospital, nangin kilala ini sa Thailand kag nangin viral sa social media bangud sa mga pictures nga ginapakigbahin sang ila mga customer sa pag-angkon sang six-packs abs.
