Other woman, kritikal sang gintiro sang legal nga asawa

Kritikal ang kondisyon sang isa ka “other woman” matapos nga gintiro sang legal wife sang nag-abtanay ang duha sa balay sang utod sang ila nga bana sa isa ka subdivision sa Brgy. San Francisco, Gen. Trias City, Cavite.

Naggwa sa imbestigasyon nga nagkadto sanday alyas “Ferdie” kaupod ang live-in partner nga si alyas “Julie” kag ang ila nga lima ka tuig nga bata nga babaye sa balay sang iya utod.

Lipod sa ihibalo nila, nagkadto man didto si alyas “Melda” nga legal nga asawa ni Ferdie kaupo ang ila anak nga dalaga.

May natabo nga komprontasyon sa tunga nanday Melda kag Julie.

Nagkuha si Melda sang pusil kag gintiro si Julie nga naigo sa tiyan.

Matapos ang insidente, madasig nga nalagtyo si Melda kag iya nga anak.

Gindala naman sa ospital si Julie kag padayon subong nga ginabulong.