ILOILO – Nagpangayo sang moratorium ang banwa sang Oton, Janiuay, San Dionisio kag Leon kay Iloilo Gov. Arthur Defensor Jr. sa diin indi anay ang mga ini magbaton sang mga locally stranded individuals bangud puno na ang mga quarantine facility.
Sa interview sang Bombo Radyo kay Gov. Arthur Defensor Jr., iya ginpahayag nga ang nasambit nga request sang mga kabanwahan ang gina-endorse sa Regional Inter-Agency Task Force kag ini ang iya hingyuon man sa national level.
Apang sa subong, gina-tinguhaan sang Provincial Government nga ma-akomodar ang mga locally stranded individuals nga nagaabot.
Lakip sa mga estratehiya nga ginahimo sang probinsya amo nga kun maggutok na ang quarantine facility, i-release ukon paguwaon naman ang iban agud nga makabulos ang mga nagaabot samtang may iban man nga mga local government unit nga ginapalapad ang lugar sang pasilidad.
