Nakit-an sa Oton, Iloilo ang 15-anyos nga dalagita nga ginapahayag gin-kidnap sa Jaro Plaza sa syudad sang Iloilo.
Antes pa man ini nakit-an, madamo sang mga facebook posts ang naglapta sa diin nasaad sa chat sang dalagita nga gin-kidnap ini.
Isa ka concerned zitizen ang nakakita sa dalagita sa Poblacion West, Oton samtang ini ang nagahilibion.
Gin-usisa man sang Women and Children Protection Desk (WCPD) sang Oton Municipal Police Station ang dalagita kag gintuad sini tatlo ka mga lalaki kag isa ka tomboy ang sakay sang van sa diin nakakuha siya sang kahigayunan nga makapalagyo sang nanaog ang mga ini sa van agud nga magpanigarilyo.
Ginpahayag man sang menor de edad nga ang iya P1,500 ang ginkuha sang mga nag-kidnap sa iya apang ang iya cellphone ang wala nakuha bangud gintago niya ini sa iya nga likod.
Sa subong, yara na sa paghinakop sang iya pamilya ang dalagita samtang padayon naman ang imbestigasyon sang kapulisan.
