Ginahulat sa gihapon sang Iloilo City Police Station 10 ang desisyon sang biktima nga ginapahayag gintanyagan sang iya customer sang temporaryo nga kalipayan kabaylo sang P8,000 sa isa ka hotel sa syudad.
Sa interview sang Bombo Radyo kay Police Captain Val Cambel, hepe Iloilo City Police Station 10, iya ginpahayag nga nagakoordinar naman ang ila talatapan sa Women’s and Children Desk (WCPD) agud matumod ang mahimo dugang nga mabulig sa biktima.
Suno kay Cambel, ang ginhimo nga akto sang customer sa biktima ang nagpaidalom sa sexual abuse ukon pag-abuso-sekswal.
Ginpahayag man sang natungdan nga nagpatuman sila sang imbestigasyon sa hotel mismo kon sa diin, natumod sang otoridad ang identity sang customer.
Handa naman ang talatapan nga maghimo sang legal nga tikang agud nga mabuligan ang masahista nga makapasaka sang kaso batok sa nasambit nga customer.
