ILOILO CITY – May yara na sang persons of inetrest ang otoridad tuhoy sa natabo nga kinagamo sa Smallville Complex sang nagligad nga Hunyo 20 sang kaagahon.
Sa interview sang Bombo Radyo kay Police Major Marlon Valencia, hepe sang Mandurriao Police Station, iya ginpahayag nga ila na lang nga ginahulat nga magpakig-angot sa ila ang tagreklamo nga si Bryan Arroyo nga amo ang nasaputehan sang ginabanta 15 ka miyembro sang grupo nga nagpanggamo kag nagpalupok sang armas.
Suno kay Valencia, may yara na sila sang mga persons of interest kag ila na lang nga ginahulat ang kumpirmasyon ni Arroyo.
Sa subong suno kay Valencia, ang tiayon lang ni Arroyo ang nagasabat sa tion nga sila ang magtawag agud kun tani kuhaan sang impormasyon ang tagreklamo.
