ILOILO CITY–Nakahanda na ang mga otoridad sa posible nga pag-atake sang Communist Party of the Philippines-New People’s Army (CPP-NPA) kadungan sang ila pagsaulog sang ika-50 anyos nga anibersaryo sa Disyembre 26.
Sa interview sang Bombo Radyo kay Police Regional Office (PRO-6) Director C/Supt. John Bulalacao,  iya ginpahayag nga dugangan ang tropa sang Armed Forces of the Philippines (AFP) agud mangin mabaskog ang ila nga pwersa kaupod ang Philippine National Police (PNP) batok sa mga rebelde.
Suno kay Bulalacao, posible nga maga atake ang mga rebelde sa diin man nga bahin sang Pilipinas agud ipabalo sa publiko ang ila nga anibersaryo.
Nahibaluan nga gina engganyo man ni Col. Albert Desoyo, commander sang 6O1st Brigade Philippine Army, ang mga pumuluyo nga mangin mabinantayon sa palibot.