STA. BARBARA ILOILO– Blangko sa gihapon kag nagapadayun ang imbestigasyon sang Scene of the Crime Operatives(SOCO) kag sang Sta. Barbara Municipal Police Station may kaangtanan sa nasapwan nga biktima sang pagpatay kagab-i sa Bitaog Taytay sa nasambit nga banwa.
Sa interview sang Bombo Radyo kay Police Staff Sergeant Randolph Bayting, iya ginpahayag nga tubtob subong nagapadayun ang ila imbestigasyon bangud halos indi makilala ang biktima kun nawong ang basehan sa kadamuon man sang dugo tuga sang pagtadtad sang luthang.
Dugang pa ni Bayting nga ginturn-over sa ila sang SOCO ang motorsiklo sang biktima apang ang mga physical evidences ang yara sa SOCO bangud sila ang nagprocess sang crime scene.
Nahibaluan nga nakaangkon multiple gunshot wounds ang biktima sa nagkalain-lain nga bahin sang iya lawas kag ang yara lang sa biktima amo ang tatlo sini nga singsing nga napahamtang sa iya nawala nga kamot.
