Nagapadayon pa ang search and rescue para sa 132 ka mga tawo nga sakay sang Boeing 737-800 nga nagtibusok sa southern province sang Guangxi sa China.
123 diri ang pasahero kag siyam ang crew members.
Suno sa mga reports, may kumpirmado na nga mga napatay apang ginapahayag nga wala sang senyales nga may nakaluwas sa amo nga insidente.
Ini bangud debris pa lang sang amo nga eroplano ang natigayon nga nakit-an sang mga rescuers.
Nagmandu naman si Chinese President Xi Jinping sang “all-out effort” para sa rescue operations.
Ginapahayag nga ang pag-ulan ulan sa nabukid nga bahin sang lugar kun sa diin natabo ang pagtibusok ang magapabudlay man sa rescue operations nga ginapatigayon. ##
