ILOILO CITY- Wala sa gihapon sand identity ang ginapatihan duha ka mga indibidwal nga nagsulod sa gasoline station sa Avanceña Street, Barangay North San Jose, Molo, Iloilo City kag nagtaban sang masobra P110,000 nga benta.
Sa interview sang Bombo Radyo kay PMajor Marlyn Roquero, hepe sang Molo Police Station, iya ginpahayag nga isa ka rason nga nagapabudlay sang imbestigasyon amo nga apisar may yara sang close circuit television ang gasolinahan, apang ginkuha sang mga suspek ang Secure Digital card sini.
Suno kay Roquero,nagsulod ang mga suspek paagi sa bintana sa opisina kag apisar may iron grills, wala ini naka-padlock.
Ginpahayag ni Roquero, kaangay nga saulado man sang mga suspek ang gasoline station bangud madasig nila nga nabuksan ang vault nga nasudlan sang kwarta apisar nga may duha ini ka mga liyabe.
May yara man sang number combination lock system ang vault apang ini ang na-disable.
Dugang niya, wala man nag-ululukay ang sulod sang opisina kag kaangay nga nahibaluan sang mga suspek kun ano ang ila pangitaon.
