Proud nga ginpakigbahin ni Maja Salvador nga nabun-ag na sini ang ila subang nga anak sang iya bana nga si Rambo Nuñez.
Kabahin sa gin-share sini sa fans amo ang cute nga tiil sang baby girl kag may caption nga “Our Maria” nga gilayon naman nga gin-ulan sang “congratulations” halin sa supporters.
Una nga nag-date sanday Maja kag Rambo sang naga-edad pa lamang ang aktres sang 21-anyos. Halos apat ka bulan lamang ang ginlawig sang ila relasyon bangud nagtutok si Maja sa iya pamilya kag karera apang nagtabuay liwat ang ila banas sang 2019 kag liwat nga naghangpanay.
Sang 2023, ginkasal sila sa isa ka private ceremony diri sa Pilipinas kag ginsundan sang isa pa gid ka seremonya sa Bali, Indonesia nga gintambungan sang ila celebrity friends.
Disyembre 2023 naman sang malipayon nga gin-anunsyo sang aktres nga nagadala na ini sang ila anak.
