ILOILO CITY – Ginaduso ni outgoing Education Secretary Leonor Briones sa incoming administration ni President-elect Ferdinand Marcos Jr. nga pasiguraduhon nga ang kasaysayan sang pungsod kag ang mga leksyon sini ang matudlo sang maayo sa mga eskwelahan.
Si Briones ang biktima man sang Martial Law sa idalom sang rehimen sang ginpalayas nga diktador nga si Ferdinand Edralin Marcos nga amo ang amay ni Marcos Jr.
Magluwas sa pagpadayon sang mga programa sang Duterte administration sa education system, ginpahayag ni Briones nga dapat pasiguraduhon man sang incoming administration nga ang mga kabataan ang may yara sang access sang libre kag de-kalidad nga edukasyon.
Si Vice President-elect Sara Duterte-Carpio ang mabulos kay Briones bilang Department of Education secretary sa idalom sang incoming Marcos government.
Pagkatapos nga ginlubong sa Libingan ng mga Bayani si Marcos Sr. sang 2016 nga nag-ani sang kritisismo nagikan sa sektor sang Martial Law victims, ginpahayag ni Briones nga nagmandu siya nga i-review kun paano gintudlo sa mga eskwelahan ang amo nga bahin sang Philippine history.
Suno sa iya, ini ang kabahin sang commitment sang Deped sa human rights.
Sang 2018, ginpamalabagan ni Briones ang ginduso ni pro-administration blogger Mocha Uson nga historical revisionism.
Suno kay Uson, ang People Power Revolution ang isa ka “fake news.”
Suno sa media experts, ang disinformation propaganda sa pungsod ang nagbaskog pa ilabi pa sang eleksyon kun sa diin, si Marcos Jr. ang labi nga naka-benepisyo.
Ginpahayag naman ni incoming press secretary Trixie Cruz-Angeles nga ang pagkwestiyon sang hsitorical events ang dapat nga pahanugutan.
Humalin sang pagbalik sa Pilpinas matapos ang lima ka tuig nga pagpalagyo sa Hawaii, ginatinguhaan sang pamilya Marcos nga mabalik ang ila nga imahe nga namantsahan sang human rights violation kag kurapsiyon sang Marcos dictatorship.
Ang gobyerno ang naka-recover na sang P174 billion sa ill-gotten wealth sang mga Marcoses suno sa Presidential Commission on Good Government (PCGG).
