ILOILO CITY – Napun-an sang pagpasalamat ang mensahe ni outgoing Iloilo City Councilor Liezl Joy Zulueta-Salazar kadungan sang pinaka-ulihi nga session sang Iloilo City Council bag-o magbulos ang bag-o nga set sang elected officials.
Sa ginpatigayon nga session kahapon nga adlaw, ginpahayagni Salazar nga indi niya malipatan ang iya ‘first impression’ sa mga kaupod sa konseho.
Bilang ‘newbie’ sa patag sang pulitika, ginpahayag ni Salazar nga gintinguhaan man niya nga makapasar sang ordinansa nga mapinuslanon kag nakabulig sa syudad.
Kadungan sini, ginpasalamatan man sang konsehal ang iya mga kaupod kag ang tanan nga nagbulig sa iya nga political career sa sulod sang anum ka tuig.
