ILOILO CITY– Ginpanugyan ni outgoing Iloilo Governor Arthur Defensor Sr. ang padayun nga pag-monitor sa pagtaas sang Dengue sa probinsya sang Iloilo.
Sa interview sang Bombo Radyo kay Defensor, iya ginpahayag nga iya na ginsapol ang Provincial Disaster Risk Reduction and Management Office (PDRRMO) agud bantayan ang kaso sang Dengue sa sulod sang pulo ka adlaw.
Kun may yara nga pagsaka suno sa gobernador, liwat nga magapatigayun sang pagsinapol agud madesisyunan kun bala kinahanglan nga magdeklarar sang state of epidemic ukon outbreak of disease sa mga banwa nga apektado.
Nagbakal naman ang Iloilo Provicial Government sang IV fluids kag iban pa nga mga kinahanglanon para sa mga pasyente sang Dengue.
