ILOILO CITY – Nagapabilin nga mataas ang approval ratings ni Presidente Rodrigo Duterte base sa pinakaulihi nga Pulse Asia report.
Ang latest approval rating ni Duterte ang nagdangat sa 73% sang Marso 2022 nga nagbawi sang iya pinakamanubo nga approval rating nga 64% sang September 2021 nga amo ang naga-isahanon nga manubo nga rating nga 70%.
Sa amo nga report, nakuha ni Duterte sa Mindanao ang pinakamataas nga rating nga nagdangat sa 89% nga ginasundan sang National Capital Region (NCR) nga may 74%.
Sa Luzon, nakuha sang presidente ang rating nga 70% samtang ang pinakamanubo nga rating ang nagikan sa Visayas nga may 61%.
Kun income class naman ang basehan, nakuha ni Duterte ang pinakamataas nga rating nagikan sa ABC nga may 77% nga ginasundan sang Class D nga may 73% kag ang pinakamanubo amo ang nagikan sa Class E nga may 72%.
Halos magka-pareho sa rating nga 73% ang nakuha ni Duterte sa urban kag rural areas sa bulan sang Marso.
Nahibaluan nga sang September kag November 2020, nakakuha sang 91% nga rating si Duterte apisar sang COVID-19 pandemic kag indi pa available ang COVID-19 vaccination.
