ILOILO CITY – Nag-abot na sa Singapore si outgoing Sri Lankan president Gotabaya Rajapaksa matapos ang lapnagon nga protesta sa iya pungsod bangud sang economic crisis.
Nakita si Rajapaksa nga ginsugata sang grupo sang security guards kag nagbiya sa airport VIP area kag may convoy nga itom nga mga salakyan.
Ang presidente ang nagabayo sang itom upod ang iya asawa kag duha ka bodyguard.
Suno naman sa foreign ministry sang Singapore, nag-abot si Rajapaksa sa pungsod para sa isa ka private visit kag wala nagpangayo sang asylum.
Antes magpadulong sa Singapore, ginsugata man si Rajapaksa sang Sri Lankan migrants sa iya pag-abot sa Maldives.
