ILOILO CITY – Temporaryo nga ginsirado ang outpatient department sang West Visayas State University Medical Center ukon mas kilala nga Don Benito Hospital sa syudad sang Iloilo.
Ini matapos nga isa ka health worker sa nasambit nga hospital ang nagpositibo sa Coronavirus Disease 2019 (COVID-19).
Suno sa pahayag sang West Visayas State University Medical Center management nga napetsahan Hulyo 24, temporaryo nga siraduhon ang outpatient department samtang ang tanan nga personnel nga ginakabig nga “at risk” ang ginkuhaan na sang swab sample para sa COVID-19 test, naka-quarantine kag ginapaidalom sa monitoring.
Ginkumpirma naman sang Department of Health Region 6 nga isa ka health worker kag tatlo ka pasyente sang nasambit nga hospital ang nagpositibo sa virus.
