ILOILO CITY – Magabenepisyo ang mga Filipino nga nagatrabaho sa Brunei lakip na ang mga Filipino businesses kag companies nga nahamtang didto, sa Double Taxation Avoidance (DTA) Agreement nga ginpirmahan sang duha ka mga pungsod.
Suno sa chief sang Rulings and Mutual Agreement Procedures Section sang Bureau of Internal Revenue nga si Consorcio Olivan, ang mga professors, teachers, kag researchers nga nagatrabaho sa Brunei ang exempted sa pagbayad sang ila income taxes sa sulod sang apat ka tuig.
Dugang pa niya, ang iban pa nga mga Filipino professionals kag income owners ang exempted man sa income taxes kun ang ila nga pagtinir sa Brunei ang indi maglapaw sa 183 ka adlaw.
Sa idalom sang treaty, may yara sang concept of permanent establishment.
Suno sa data nagikan sa Legislative Research Service, ini ang isa sa 44 ka mga pungsod nga nagpirma sang Double Taxation Avoidance (DTA) Agreement ang Pilipinas, lakip na ang Australia, Austria, Bahrain, Bangladesh, Belgium, Brazil, Canada, China, Czech Republic, Denmark, Finland, France, Germany, Hungary, India, Indonesia, Israel, Italy, Japan, Kuwait, Malaysia, Mexico, The Netherlands, New Zealand, Nigeria, Norway, Pakistan, Poland, Qatar, Romania, Russian Federation, Singapore, Sri Lanka, South Korea, Spain, Sweden, Switzerland, Thailand, Turkey, United Arab Emirates, United Kingdom of Great Britain and Northern Ireland, United States of America, kag Vietnam.
