Ipakakas ni Philippine National Police (PNP) chief Police General Nicolas Torre III sa serbisyo ang mga overweight nga police officers kun indi sila makabuhin sang bug-at sa sulod sang isa ka tuig.
Suno kay Torre, nasaad sa Section 30 sang Republic Act No. 6975 ukon ang Department of the Interior and Local Government Act of 1990 nga pila sa general qualifications para sa appointment bilang PNP officer ukon member amo nga ang pulis ang dapat magbug-at sang indi maglapaw ukon mas manubo sang lima ka kilo sa standard weight nga naga-correspond sa iya height, age, kag sex.
Ginpaathag ni Torre nga sa idalom sang pagsulundan sang PNP, ang mga pulis nga wala sa ila standard weight ang hatagan sang anom ka bulan tubtob isa ka tuig agud mapahimo nga normal ang ila bug-at.
Suno sa iya, kun mapaslawan, kakason sa serbisyo ang mga pulis.
Para sa mga pulis nga may medical nga kondisyons mahimo sila mangatubang sang “complete disability discharge” ukon sayluhon sa trabaho sa opisina.
