Gin-anunsyo sang Office of the Vice President (OVP) nga si Bise Presidente Sara Duterte nagpadulong sa Kuwait sang Biyernes, Agosto 15, agud magsapol sa mga myembro sang Filipino community sa nasambit nga pungsod.
Suno sa OVP, ang katuyuan sang iya pagbisita amo ang pagbaton kag pag-estoryahanay sang mga isyu kag kabalaka sang mga OFW ukon Overseas Filipino Workers sa Kuwait.
Ginpasiguro sang OVP nga wala sang pondo sang gobyerno nga gin-gamit sa sining biyahe sang bise presidente.
Ginpahayag man sang opisina nga ang tanan nga lakat sang iya opisyal nga buluhaton sa guwa sang pungsod nagasunod sa mga patakaran sang gobyerno.
Pagkatapos sang iya aktibidad sa Kuwait, ginpahayag sang OVP nga magapadayon si VP Duterte sa pagtrabaho agud buligan ang pagpahilway sang iya amay nga si anay Presidente Rodrigo Duterte, nga yara subong sa kustodiya sang International Criminal Court sa The Hague, Netherlands.
