Ginbuyagyag ni State Auditor Roderick Wamil nga wala nag-provide ang Office of the Vice President sang nagakaigo nga dokumento agud i-justify ang P82 million nga gasto para sa medical and food assistance.
Sa amo nga amount, P42 million ang nagasto sa tunga sang Pebrero 6 kag Marso 9, 2023; kag P40 million para sa Abril 25 tubtob Hunyo 30, 2023.
Suno kay Wamil, wala nag-attach ang opisina sang mga dokumento nga nagapamatuod nga natigayon ang payments para sa bulong, pagkaon kag iban nga suplay.
Suno sa iya, ang medical kag food assistance ang wala nasakop sang exclusive list sang allowable confidential expenses sa idalom sang Section 4.8 sang joint circular nga nagadumala sa confidential kag intelligence funds.
Magluwas diri, may yara man sang tig-P10 milyon nga ginpain para sa pagbayad sang incentives ukon travelling-related expenses sa pareho nga mga panahon apang wala man nalakip sa allowable confidential expenses nga nalista sa joint circular.
