Iloilo – Nagpasalig ang Overseas Workers Welfare Administration Region 6 sa mga himata sang overseas Filipino workers nga handa sila nga magbulig sa mga distressed immigrants.
Ini ang kasunod sang nanari-sari nga emerhensya sa luwas sang pungsod kun sa diin, may mga Pilipino nga naulamid kaangay sang nagtay-og nga magnitude 7.8 nga linog sa Turkey.
Sa amo nga hitabo, may yara sang narekord nga duha ka mga napatay kag 64 pa ka mga Pilipino ang nagapabilin sa evacuation centers.
Sa interview sang Bombo Radyo kay Rizza Moldes, director sang Overseas Workers Welfare Administration Region 6, iya ginpahayag nga makasalig ang mga himata sang overseas Filipino workers nga mahatagan ang mga ini sang igtalupangod santo sa tagsa nila ka mga request.
Suno kay Moldes, mahimo lang magbisita sa talatapan agud mabuligan ukon mag-email sa region6@owwa.gov.ph. kag mag-contact sa numero nga 509-10-75.
Sa bahin naman sang overseas Filipino worker nga napatay sa Turkey, nagpadulong na ang pamilya sa talatapan agud nga magpangayo sang bulig.
