Iloilo – Ginahanda na sang Iloilo Police Provincial Office ang ipresentar sa local chief executives kag sa gobernador sa hiwaton nga pagsinapol sa Huwebes, Marso 9.
Sa interview sang Bombo Radyo kay Police Colonel Palomo, iya ginpahayag nga ipresentar niya ang peace and order situation, crime situation, accomplishments kag programa sang Iloilo Police Provincial Office.
Suno kay Palomo, base sa iya panan-aw, normal kag wala sang pagpamahog nga nabaton ang iya talatapan sa posible nga mangin atake nagikan sa mga armado nga grupo.
Ginpahayag sang natungdan nga wala sang presensya sang armed group sa probinsya kundi duha lamang ka mga criminal gangs.
Nagpasalig naman ang natungdan nga preparado ini agud mahatagan sang nagakaigo nga seguridad ang mga local chief executives kag gobernador sang probinsya sang Iloilo.
Kaangot diri suno kay Palomo, kahigayunan man ang pagsinapol agud makilala sini ang mga alkalde kun sa diin mahibaluan niya ang sitwasyon sa kada banwa.
