Aprubado sang Department of Budget and Management (DBM) ang Special Allotment Release Order (SARO) kag Notice of Cash Allocation (NCA) nga nagadangat sa P1.4 billion para sa pagpalawig sang “Libre Sakay” program.
Suno kay Budget Secretary Amenah Pangandaman, ang pagpain sang dugang nga pondo ang suporta nila sa plano ni Presidente Ferdinand ‘Bongbong’ Marcos Jr, nga i-extend ang programa nga Libre Sakay sang Department of Transportation (DOTr) kag sang Land Transportation Franchising and Regulatory Board (LTFRB) tubtub Disyembre.
Ginpahayag ni Pangandaman nga dako nga bulig ang Libre Sakay sa mga commuters ilabi na sa mga estudyante, kag mangin sa labor force.
Kabug-usan nga 50 million ka mga commuters ang ginalauman nga mabuligan sang “Libre Sakay” program umpisa Setyembre 1 tubtub Disyembre 31.
