Magalab-ot sa P1.5-billion ang mapierde sa mga negosyo sa syudad sa tatlo ka adlaw nga power interruptions.
Base ini sa “rough estimates” sang Local Economic Development & Investment Promotion (LEDIP) nga gin-post ni Iloilo City Mayor Jerry Treñas.
Suno sa alkalde, sandig sa amo nga opisina, kun pahat-pahaton, yara sa P400-million tubtub sa P500-million ang madula sa income sang syudad bangud sa pagsindi-patay sang kuryente sa syudad.
“In three days, we would have lost 1.5 b . What a way to start the new year!!!,” post sang alkalde.
Naghingyo man ang alkalde sa national government nga unahon sa pagbalik ang suplay sang kuryente sa syudad.
“The lgus are told by the national government to process business permits in 10 minutes. I ask the national government give us electricity first. We cannot process the applications ang print the permits if we do not have electricity,” pahayag sini.
Una na nga ginpahayag sang lead specialist sang National Grid Corporation of the Philippines nga posible buwas pa, Enero 5, magabalik sa normal ang operasyon sang tanan nga mga power plants sa Panay.#
