ILOILO CITY – Mixed emotion ang grand draw winner sa Buena Mano Salvo Year 13 Promo sang Bombo Radyo kag Star FM.
Ginpahayag ni Mary Grace Gumban sang Barangay San Nicolas, La Paz, Iloilo City nga tubtob karon indi ini makapati nga siya ang masuwerte nga nakakuha sang P1 million nga grand prize.
Suno ka Gumban, sang gintawgan ini sang Bombo Radyo agud ipahibalo nga siya ang nagdaog, indi ini makapati kag ginpinsar nga Budol-Budol Gang ang nagatawag sa iya.
Apisar sini, iya ginbayaan ang trabaho kag nagpadulong sa istasyon sang Bombo Radyo sang makumpirma nga siya ang nagdaog.
Suno kay Gumban, gamiton sini ang nadag-an nga kuwarta bilang bayad sa iya mga kautangan kag pagpakay-o sang iya balay.
Nahibaluan nga ini ang una nga kahigayunan nga nagdaog si Gumban sa promo sang Bombo Radyo.
Dako ini nga bulig suno kay Gumban kag ginakabig nga sabat sa iya mga pangamuyo ang nadag-an sa promo sang Bombo Radyo.
Si Gumban ang nagtrabaho bilang accounting staff sa isa ka pribado nga kompanya sa siyudad sang Iloilo.