Ginkumpirma ni Transportation Secretary Giovanni Lopez nga may P1.00 nga saka sa plete sa traditional jeepneys kag P2.00 naman para sa modern jeepneys.
Bangud sini, nagsaka na sa P14 ang minimum nga pamasahe sa tradisyonal nga jeep, samtang P17 naman para sa modernized units.
Pahayag sang Department of Transportation (DOTr), mangin epektibo ini nga adjustment umpisa sa Huwebes, Marso 19.
“Inaprubahan na po natin kagabi ang pagtaas ng pamasahe pagdating sa mga provincial buses, metro buses, P2P, kasama din po ang jeepneys, at airport taxis,” suno kay Lopez.
“Pagdating sa ating mga jeepney, ngayon po ang traditional jeepney natin ang pamasahe natin is P13.00. May conditional increase pong kasama yan, yan ay ginawa na natin permanent at nagdagdag pa tayo ng P1.00. So, P14.00 na po sa first four kilometers. That’s for the traditional jeepney,” dugang sang transportation official.
Ginpatuman ini nga fare increase sa tunga sang nagapanglakaak nga presyo sang gatong bangud sang epekto sang giyera sa Middle East.
Nauna na nga gin-anunsyo sang Land Transportation Franchising and Regulatory Board (LTFRB) ang fare increase sang Domingo, apang subong lang nga aga gin-anunsyo ang eksakto nga balor sang isaka.
Una naman nga ginmandu ni President Ferdinand ”Bongbong” Marcos Jr. ang pag-release sang P5,000 cash assistance para sa public utility vehicle drivers agud nga mabuhinan ang palas-anon samtang mataas ang presyo sang gatong.
