Nagpain ang Iloilo Provincial Goverment sang P10 milyon nga budget para sa Turista sa Barangay project sa Pan de Azucar Island sa Concepcion, Iloilo.
Kabahin ini sang kampanya sang probinsya agud mapasanyog pa ang turismo isla.
Nalakip sa plano ang pag-develop sang mga trails nga yara sa idalom sang ginaplano nga Pan de Azucar Eco-Tourism Program.
Ini agud mas maenggayo pa ang mga bisita ilabi na ang mga hikers nga magbisita sa isla.
Nagahandom naman ang provincial government nga makahatag sang trabaho sa mga pumuluyo sang Pan de Azucar ang mga aktibidad sa isla sa tion nga magsanyog pa ang turismo.
