ILOILO – Aprobado na sang Sanguniang Panlalawigan ang pondo para sa mga mangunguma sa probinsya sang Iloilo nga maluyag magkuha sang loan.
Sa ginpatigayon nga session, nagalab-ot sa P100 million nga pondo ang gintalana para sa mga mangunguma gikan sa 12 ka asosasyon nga nakapasa sang kumpleto nga dukomento.
Sa interview sang Bombo Radyo kay Iloilo 2nd District Board Member Rolito Cajilig, chairman sang Committee on Agriculture sa Sanguniang Panlalawigan, iya ginpahayag nga sa 12 ka asosasyon, P27 million na lang ang mabilin sa pondo.
Suno kay Cajilig, ang mabilin nga pondo ang available para sa mga mangunguma nga maga-apply sang loan.
Ginpahayag ni Cajilig nga sa subong, ginahulat pa nila nga makapasa sang kumpleto nga dukomento ang iban pa nga mga asosasyon agud nga makakuha na sang financial assistance.
