Naglab-ot sa P12 billion ang kabug-usan nga assets ang na-freeze sang Anti-Money Laundering Council (AMLC) lakip ang P4 billion nga air assets ni Zaldy Co, 3,566 bank accounts, 198 insurance policies, 247 ka mga salakyan, 178 real properties, kag 16 e-wallets.
Ini ang gin-report ni President Ferdinand Marcos Jr.
Suno sa Presidente umpisa pa lamang ini kag sa palaabuton nga mga inadlaw mas madamo nga assets pa ang ma-freeze kag para mabalik ang kwarta sa publiko.
Ginpunto man sang Presidente nga promisa niya ini sa publiko nga ang mga ginkawat nga kwarta ang mabalik.
Ginbuyagyag man ni Marcos nga magasumiter man ang ICI kag DPWH sang ebidensya sa Ombudsman para sa rekomendasyon nga magpasaka sang kaso nga plunder, anti-graft, bribery, kag conflict of interest batok sa walo ka mga kongresista nga tag-iya sang construction companies.
